Ein Partneriaid a Chysylltiadau
Rydym yn gweithio’n agos gyda’n partneriaid Sefydliadau Addysg Uwch a’n timau clinigol ledled Cymru i ddatblygu cydweithredu unigryw rhwng Prifysgol Abertawe a Phrifysgol Cymru, Y Drindod Dewi Sant.
Prifysgol Cymru y Drindod Dewi Sant ac ATiC
Mae’r Ganolfan Arloesi Technolegau Cynorthwyol (ATiC) ym Mhrifysgol Cymru y Drindod Dewi Sant wedi’i neilltuo i drawsnewid bywydau drwy ymchwil ac arloesi ym maes gofal iechyd. Mae ATiC yn cydweithio â phartneriaid academaidd, cyhoeddus, preifat a thrydydd sector o’r sectorau gwyddorau bywyd, iechyd a gofal cymdeithasol i feithrin diwylliant o ragoriaeth ymchwil, trosglwyddo gwybodaeth, ac arloesi ym meysydd iechyd a lles.
Mae ATiC yn defnyddio dulliau ymchwil dylunio sy’n canolbwyntio ar y defnyddiwr ac offer mesur ffisiolegol gwrthrychol i ddeall anghenion a pherfformiad pobl yn ystod eu hymwneud â chynhyrchion, gwasanaethau, systemau a mannau gofal iechyd. Mae’r dull hwn yn helpu partneriaid i ddatblygu datrysiadau arloesol sy’n gwella iechyd a lles. Mae gan y ganolfan gyfarpar â chyfleusterau o’r radd flaenaf, gan gynnwys labordy Profiad Defnyddiwr aml-ddull (UX) a labordy Gwerthuso Defnyddioldeb, sganio 3D, modelu, efelychu rhithwir, gweithgynhyrchu ychwanegion, a galluoedd prototeipio. Mae’r adnoddau hyn yn ategu datblygu a gwerthuso technolegau iechyd newydd yn gyflym.
Drwyddi draw, mae ATiC yn gyfrannwr allweddol i’r ecosystem arloesi iechyd yng Nghymru, gan ysgogi effaith economaidd gadarnhaol trwy gyd-ddylunio arferion a chydweithio â gwahanol bartneriaid.
Prifysgol Abertawe a’r Ganolfan Dechnoleg Gofal Iechyd
Mae Cyfadran Meddygaeth, Iechyd a Gwyddor Bywyd Prifysgol Abertawe wedi’i neilltuo i gael effaith sylweddol ar fywydau pobl drwy ddysgu, ymchwil ac arloesi rhyngddisgyblaethol a rhyngbroffesiynol. Caiff y gyfadran ei graddio’n gyson fel un o brif ddarparwyr addysg iechyd proffesiynol a gwyddorau bywyd yn y DU, gan gynnal enw da rhyngwladol am ymchwil ac arloesedd rhagorol. Mae ymchwil y gyfadran yn canolbwyntio ar wella iechyd, lles a chyfoeth, gyda phwyslais cryf ar effaith yn y byd gwirioneddol a gwell canlyniadau i gleifion. Mae eu cyd-destun ymchwil yn uchel ei barch, gydag 85% o’u hymchwil yn arwain y byd neu’n rhagorol yn rhyngwladol. Mae’r Sefydliad Gwyddorau Bywyd (ILS) yn elfen allweddol o’r gyfadran, yn gartref i labordai ymchwil o’r radd flaenaf, cyfleusterau meithrin busnesau, a chyfleusterau ymchwil clinigol uwch. Mae’r Sefydliad Gwyddorau Bywyd yn cefnogi triniaethau meddygol arloesol ac yn hyrwyddo gofal iechyd drwy gymhwyso nanodechnoleg a thechnolegau arloesol eraill.
Mae Cyfadran Meddygaeth, Iechyd a Gwyddorau Bywyd Prifysgol Abertawe yn arweinydd ym maes addysg ac ymchwil iechyd a gwyddorau bywyd, gan ysgogi gwelliannau ym maes iechyd a lles yn lleol ac yn fyd-eang.
Cysylltiadau
Cydweithio
Rydym yn partneru â sefydliadau cyswllt sy’n arwain y diwydiant i roi cymorth trwy ddull amlddisgyblaethol. Mae hyn yn cynnwys trosi arloesiadau i leoliadau clinigol gwirioneddol i helpu ein cymunedau i fyw bywydau iachach. Mae’r partneriaethau hyn yn tynnu sylw at ein hymrwymiad i ysgogi ymchwil, arbenigedd clinigol ac arloesedd i wella gwasanaethau gofal iechyd a gofal cleifion.
Iechyd Cardiofasgwlaidd:
Rydym wedi partneru ag AMGEN:
Mae Sefydliad Tritech, gan gydweithio â Bwrdd Iechyd Prifysgol Bae Abertawe, Prifysgol Abertawe, a’r cwmni biotechnoleg byd-eang Amgen, yn gweithio ar brosiect “Iechyd Poblogaeth y Genhedlaeth Nesaf yn GIG Cymru”. Mae’r fenter hon yn canolbwyntio ar wella diagnosis a thriniaeth cleifion cardiofasgwlaidd ledled Cymru. Nod y prosiect yw datblygu Labordy Dysgu ar gyfer rhagfynegi risg y boblogaeth a gwerthuso effeithiolrwydd clinigau arbenigol dwysedd uchel.
Iechyd Anadlol:
Rydym wedi partneru ag Astra Zeneca:
Mae Gwasanaeth Rhwydwaith Rhyngwyneb Asthma AstraZeneca yn rhan o’u hymrwymiad ehangach i wella gofal asthma yn fyd-eang. Mae’r gwasanaeth hwn yn canolbwyntio ar optimeiddio rheoli asthma trwy gyfannu offer digidol uwch a meithrin cydweithio ymhlith darparwyr gofal iechyd. Nod y fenter yw lleihau pyliau o asthma, gwella canlyniadau cleifion, a lleihau effaith amgylcheddol gofal asthma.
Rydym wedi partneru â phob bwrdd iechyd ledled Cymru a’r Sefydliad Gwyddoniaeth a Thechnoleg Glinigol:
Mae ein partneriaeth â phob bwrdd iechyd ledled Cymru i hwyluso gwerthuso pecyn cymorth anadlol digidol y Sefydliad Gwyddoniaeth a Thechnoleg Glinigol yn y byd gwirioneddol, yn gwneud cynnydd sylweddol. Mae’r pecyn cymorth, sydd wedi’i fabwysiadu’n eang, yn rhoi cefnogaeth ddigidol i gleifion ac ymarferwyr, gan hyrwyddo rheolaeth well o gyflyrau anadlol.
Canser y Prostad:
Rydym wedi partneru â Cancer Research UK.
Mae Llwybr Diagnostig Canser y Prostad Newydd, wedi’i ariannu gan ‘Rhaglen Profi, Tystiolaeth a Throsglwyddo’ (TETP) Cancer Research UK, ar fin cael effaith sylweddol ar ddiagnosis a thriniaeth canser y prostad. Nod y fenter hon yw symleiddio’r broses ddiagnostig, gan leihau oedi sy’n aml yn arwain at ganlyniadau gwael. Trwy gynnwys technegau uwch fel MRI amlbaramedr a Biopsïau trwy’r perinëwm gydag anesthetig lleol, mae’r llwybr yn addo diagnosisau mwy cywir ac amserol. Mae’r prosiect hwn nid yn unig yn gwella gofal cleifion ond hefyd yn gosod cynsail ar gyfer arloesi ym maes darparu gofal iechyd, gan wasanaethu fel model ar gyfer llwybrau diagnostig eraill.
Rydym wedi partneru â JIVA. AI a Moondance Cancer
Mae cydweithrediad rhwng Bwrdd Iechyd Prifysgol Hywel Dda, JIVA. AI a Moondance Cancer Initiative ltd. JivaRDX yn gymhwysiad sy’n ymwneud â radioleg ac sy’n amlinellu’n graffig presenoldeb tiwmorau o sganiau MRI y prostad. Yn weithredol, mae JivaRDX yn addasu i lif gwaith radioleg heb darfu arno rwy anodi ffeiliau DICOM yn awtomatig yn uniongyrchol. Bydd JivaRDX yn lleihau gor-ddiagnosis ac yn lleihau’r baich dynol ac ariannol ar systemau gofal iechyd. Bydd JivaRDX yn cynyddu cywirdeb diagnostig, yn cynyddu cyflymder i benderfynu ac yn grymuso clinigwyr i gael diagnosisau mwy craff. Bydd yn golygu bod cleifion yn gyflymach yn cael diagnostig a dechrau triniaeth.
Horizon Europe:
Mae Sefydliad Tritech, mewn cydweithrediad â phartneriaid ledled Ewrop, yn gweithio ar y canlynol:
Horizon Europe DYNAMO – mae’r prosiect yn canolbwyntio ar wella cadernid sectorau hanfodol fel ynni, iechyd a thrafnidiaeth yn erbyn bygythiadau seiber. Trwy gyfannu rheoli parhad busnes (BCM) a deallusrwydd bygythiad seiber (CTI), nod DYNAMO yw datblygu platfform cynhwysfawr sy’n cefnogi ymwybyddiaeth o sefyllfaoedd a gwneud penderfyniadau ar bob cam o’r cylch cadernid. Mae’r prosiect hwn yn cynnwys 15 partner o ddeg gwlad, yn gweithio gyda’i gilydd i greu offer sy’n helpu sefydliadau i adfer yn gyflym o ymosodiadau seiber a chynnal gwasanaethau hanfodol.
Mae Invest4Health, menter arall Horizon Europe, yn ceisio trawsnewid cyllid iechyd y cyhoedd trwy hyrwyddo modelau buddsoddi arloesol ar gyfer hyrwyddo iechyd ac atal clefydau. Mae’r prosiect yn ymdrin â’r angen am gyllid cynaliadwy yn y meysydd hyn, a’i nod yw symud y ffocws o ofal iechyd adweithiol i ofal iechyd ataliol. Trwy ddatblygu a phrofi dulliau ariannu newydd, nod Invest4Health yw sicrhau bod ymyriadau iechyd effeithiol yn cael eu cyflwyno i’r poblogaethau cywir ar yr adeg gywir, gan wella canlyniadau iechyd a lleihau’r baich ar systemau gofal iechyd yn y pen draw.
